Ullensvang folkeboksamling
Postboks 103 5782 Kinsarvik Tlf: 53 67 15 77 Mobil 94816202

  E-post: post.kinsarvik.bibliotek@ullensvang.herad.no

Plan for skulebibliotek

Skulebiblioteket og bruken av det er fyrst og fremst skulen sitt ansvar. Bibliotekaren kjem inn som ein fagleg ressursperson når det gjeld bruk av biblioteket og formidling av litteratur.Undersøkingar og vurdering av lesekampanjar viser at det er avgjerande at skulebiblioteket vert godt integrert i skulen sine planar om det skal vera med å fremja lesedugleiken hjå elevane.

Skulebibliotekaren bør delta på møte med lærarane minst to gonger i året. Skulane skal vidare leggja til rette slik at lærarane får informasjon om bruk av biblioteket og orientering om nye bøker, gjerne på planmøte vår og haust. Skulane bør markera "Verdas bokdag " 23.april, gjerne i samarbeid med folkebiblioteket. Heradet skal leggja til rette for kompetanseheving for lærarar og skule-bibliotekarar når de gjeld lesing, litteraturformidling og drift av skulebibliotek.

Skulebibliotekaren har det daglege ansvaret for innkjøp av bøker, reistrering og katalogisering, klargjering av bøker og eit system som gjer det enkelt å halda orden i biblioteket. Skulebiblioteka organiserer utlånet på den måten som passar best for den einskilde skule. Skulane kan låna depot med bøker frå folkebiblioteka

Skulebibliotekaren skal delta på eit foreldremøte for elevar i småskulen kvart år for å orientera om biblioteket og formidla nyare norsk barnelitteratur.

• Bokorienteringar på den måten som passar best på det aktuelle klassesteget.
• Læra kvar dei ulike typar bøker står i biblioteket
• Læra korleis me låner ut og leverer inn bøker
• Foreldremøte om lesing
• Besøk på folkebiblioteket ein gong i løpet av småskulen.

• Opplæring i bruk av biblioteket
• Elevmedverknad når det gjeld utlån
• Bokorientering, gjerne i samband med leseprosjekt
• Læra å søkja i katalogen for å finna bøker i biblioteket
• Læra å bruka elektroniske ressursar i biblioteket
• Forfattarbesøk
• Besøk på folkebiblioteket ein gong i løpet av skuletida på mellomtrinnet

Ungdomsskulen

• Opplæring i bruk av biblioteket med særleg vekt på faglitteratur
• Elevmedverknad når det gjeld utlån og i medieval til skulebiblioteket
• Minst ei bokorientering i løpet av året
• Delta i aksjon txt
• Læra å søkja i katalogen for å finna bøker i skulebiblioteket og andre bibliotek
• Læra å bruka elektroniske ressursar i biblioteket
• Besøk på folkebiblioteket

Skulebibliotekarane og skulen skal i samarbeid arbeida desse tiltaka inn i verksemd/årsplanane sine, slik at ein sikrar at elevane får eit godt tilbod.