Ullensvang folkeboksamling
Postboks 103 5782 Kinsarvik Tlf: 53 67 15 77 Mobil 94816202

  E-post: post.kinsarvik.bibliotek@ullensvang.herad.no

Alle skulane i Ullensvang har eige skulebibliotek. Bibliotekarane på folkebiblioteka arbeider også på skulebiblioteka. Dersom du ynskjer kontakt med skulebiblioteket, kontakt den einskilde skule eller Ullensvang folkeboksamling. Kontaktinformasjon for skulane finn du på nettsidene til Ullensvang herad

Plan for skulebibliotek:

Skulebiblioteket skal vera senter for læring og leselyst og formidla litteratur gjennom bokorienteringar, opplesing og rettleiing. Det skal særleg leggjast vekt på nyare litteratur og på nynorsk barnelitteratur. Skulebibliotekaren skal læra elevane å bruka biblioteket slik at dei finn fram til aktuell litteratur både til lesing og til bruk i skulearbeidet. Der det ligg til rette for det, bør skulebiblioteket brukast til skiftande utstillingar av elevarbeid. Skulane må også vurdere om dei vil satsa på utstilling av månadens dikt, månadens bilete, månadens bok eller liknande.

Skulebibliotekaren skal delta på alle team minst to gonger i året. Lærarane skal få informasjon om bruk av biblioteket og orientering om nye bøker. Dei skal vera med å vurdera innsatsområde, innkjøp og bruk av boksamlinga. Skulane skal markera Verdas bokdag, 23.april, gjerne i samarbeid med folkebiblioteket. Både lærarar og skulebibliotekarar treng kompetanseheving i skulebibliotekarbeid

Skulebibliotekaren skal delta på eit foreldremøte for elevar i småskulen kvart år for å orientera om skulebiblioteket og formidla nyare norsk barnelitteratur.

• låna depot med bøker frå folkebiblioteket til klassebibliotek
• lesing med fadderklasse
• bokorientering som ein del av stasjonsundervisninga ein periode av skuleåret, eller bokorienteringar i samband med at dei les bøker
• bruka rim, regler og eventyr
• læra kvar dei ulike typar bøker står i biblioteket
• læra korleis me låner ut og leverer inn bøker
• setja av tid til lesing i samband med boklån
• foreldremøte om lesing
• besøk på folkebiblioteket ein gong kvart skuleår

• Opplæring i bruk av biblioteket

• Elevmedverknad. Val av bibliotekarar som kan ta seg av utlån og innlevering
• Ein til to bokorienteringar i løpet av året, gjerne i samband med leseprosjekt
• Setja av tid til lesing i samband med boklån
• Høgtlesing for fadderborn
• Læra å søkja i katalogen for å finna bøker i biblioteket
• Læra å bruka elektroniske ressursar i biblioteket
• Arbeida med teikneseriar
• Forfattarbesøk
• Besøk på folkebiblioteket ein gong kvart skuleår

• Opplæring i bruk av biblioteket med særleg vekt på faglitteratur

• Elevmedverknad. Val av bibliotekarar som kan ta seg av utlån og innlevering
• Ei bokorientering i løpet av året
• Setja av tid til lesing i samband med boklån
• Læra å søkja i katalogen for å finna bøker i skulebiblioteket og andre bibliotek
• Læra å bruka elektroniske ressursar i biblioteket
• Forfattarbesøk
• Besøk på folkebiblioteket ein gong kvart skuleår
• Delta i aksjon txt